زوجة حلمي بكر تعلن مقاضاة مصطفى كامل بعد إهانته لها

كشفت سماح القرشي، موقفها من إهانة مصطفى كامل لها في بيان رسمي أصدره، وذلك خلال مداخلة هاتفية لبرنامج حضرة المواطن، المذاع على شاشة قناة الحدث اليوم.

وقالت سماح القرشي: حلمي بكر تعبان ومريض وميصحش أننا نزج باسمه في الوقت ده.

وتابعت: ومحصلش الكلام اللي قاله مصطفى كامل إن حلمي بكر استعان بيه منها بسبب بلطجتها، إحنا كنا في فترة خلافات زوجية زي أي اتنين عندهم مشاكل زوجية في الحياة.

وأضافت: مش كل اتنين يتخانقوا يروحوا يجيبوا بلطجية، لكن ممكن كل اتنين عندهم مشاكل ربنا يبعتلهم أشرار ويزودوا النار، لكن بالنسبة للبلطجية هبعت صور وفيديوهات تقول مين اللي بلطج على التاني بس لما حلمي بكر يقولي أبعتي الصور دي.

وأكدت سماح: إحنا اتفاجئنا بكلام مصطفى كامل، وهنترك الحقوق للقضاء والقانون.